ត្រីមាសដំបូងនៃឆ្នាំថ្មីគឺជាពេលវេលាដ៏ល្អដើម្បីស្រមៃមើលថាតើទីផ្សារនិងការច្នៃប្រឌិតនឹងផ្លាស់ប្តូរយ៉ាងដូចម្តេចនៅឆ្នាំក្រោយ។ តើបច្ចេកវិទ្យាអ្វីខ្លះដែលនឹងត្រូវបានបង្កើតឡើង? ហើយតើមួយណាដែលនឹងឈានដល់ការសម្របខ្លួនដ៏ធំ? តើតម្រូវការនិងបំណងប្រាថ្នារបស់អ្នកប្រើប្រាស់ផ្លាស់ប្តូរយ៉ាងដូចម្តេច? បច្ចេកវិទ្យាមួយចំនួនដែលទំនងជានឹងគ្របដណ្តប់នៅឆ្នាំ ២០២០៖

1. ភាពវៃឆ្លាតសិប្បនិម្មិត (AI)
   ឥឡូវនេះបច្ចេកវិទ្យា (AI) មានការរីកលូតលាស់គ្រប់ទីកន្លែង ហើយកំពុងតែផ្ទុះកាន់តែខ្លាំងគឺដោយសារតែកម្មវិធីរបស់វាស្ទើរតែគ្មានដែនកំណត់។ កម្មវិធីដែលគេអាចឃើញ AI បានប្រតិបត្តិដូចជាជំនួយការឆ្លាតវៃ, ការឆ្លើយតបសារ (Chatbot), ឡានបើកបរដោយខ្លួនឯង និងមានបច្ចេកវិទ្យាឆ្លាតវៃជាច្រើនទៀត។ សហគ្រិន និងនាយកប្រតិបត្តិផ្សេងៗគួរតែងាកមកពិចារណាអំពីវិធីដែល AI នឹងផ្លាស់ប្តូរឧស្សាហកម្មរបស់ពួកគេ ឬបង្កើតថ្មី ហើយក៏មិនគួរភ្លេចគិតអំពីវិធីសាស្រ្តនៃការការពារពីវាផងដែរ។
2. យានយន្តស្វ័យប្រវត្ត
   ឧស្សាហកម្មផលិតរថយន្តប្រភេទថ្មីនេះបានគ្របដណ្ដប់លើពិព័រណ៍ CES ២០២០ ។ ទំហំឧស្សាហកម្ម និងសក្តានុពលនៃកំណើនគឺកំពុងផ្តោតលើក្រុមហ៊ុនរថយន្តនិងអ្នកផ្តល់បច្ចេកវិទ្យា។ មានឱកាសជាច្រើននៅក្នុង B2B និងទីផ្សារអ្នកប្រើប្រាស់។ ទោះបីជាខណ:ពេលនេះវាមិនទាន់បានរីករាលដាលខ្លាំងយ៉ាងណាក៏ដោយ ប៉ុន្តែឧស្សាហកម្មនេះនៅតែបន្តការទាក់ទាញការវិនិយោគ និងអ្នកដែលមានទេពកោសល្យខ្ពស់ដើម្បីច្របាច់បញ្ចូលគ្នាឲ្យក្លាយជានិន្នាការបច្ចេកវិទ្យាកំពូលប្រចាំឆ្នាំសម្រាប់អនាគតដែលអាចមើលឃើញ។ ហើយវាត្រូវបានផ្តោតទៅលើបច្ចេកវិទ្យាបើកបរដោយគ្មានមនុស្សបើក ដោយអ្នកបើកបរមិនចាំបាច់ផ្ដោតអារម្មណ៍លើការបើកបរទៀតឡើយ។
3. បច្ចេកវិទ្យា 5G
   5G គឺជាពាក្យដែលត្រូវបានគេនិយាយមិនចេះចប់នៅក្នុងសហគមន៍បច្ចេកវិទ្យា។ វាត្រូវបានគេកោតសរសើរថាជាបដិវត្តឧស្សាហកម្មចុងក្រោយ ហើយអ្នកគាំទ្រគឺនៅគ្រប់ទិសទីបានជជែកគ្នា និងអួតពីលក្ខណ:ពិសេសសម្រាប់ល្បឿន និងសមត្ថភាពថ្មីដែលវានឹងផ្តល់។
   និន្នាការក្នុងការទស្សនានៅក្នុង 5G គឺជាវិធីដែលក្រុមហ៊ុនដឹកជញ្ជូន និងក្រុមហ៊ុនផលិតទូរស័ព្ទ (Smart Phone) បន្តវិនិយោគនិងទទួលបានជោគជ័យយ៉ាងខ្លាំងលើហេដ្ឋារចនាសម្ព័ន្ធ 5G ចូលទៅក្នុងបណ្តាញ និងទូរស័ព្ទរបស់ពួកគេរៀងៗខ្លួន។ ពិចារណាមើលទៅនៅពេលដែលទូរស័ព្ទរបស់អ្នកដែលអាចមានលឿនដូច Wifi ដូច្នេះវាអាចផ្តល់អំណាចដល់ផលិតផល និងដំណោះស្រាយរបស់អ្នក។
4. បច្ចេកវិទ្យាលក់រាយ
   ចក្ខុវិស័យម៉ាស៊ីនកុំព្យួទ័រ និងបញ្ញាសិប្បនិម្មិតឥឡូវនេះអាចវិភាគទិន្នន័យពីកាមេរ៉ា និងឧបករណ៍ចាប់សញ្ញាដើម្បីបង្កើតបទពិសោធន៍ទិញទំនិញឡើងវិញ និងជំរុញប្រសិទ្ធភាពថ្មី។ ការចាប់ផ្តើមដែលមានមូលដ្ឋាននៅសាន់ហ្វ្រាន់ស៊ីស្កូគឺ B8ta បានបង្ហាញថាបច្ចេកវិទ្យាអាចបង្កើតបទពិសោធន៍ទិញទំនិញថ្មី។ ព្រោះទីតាំងលក់រាយរបស់ពួកគេប្រើបច្ចេកវិទ្យាជាច្រើនដែលវាមិនត្រឹមតែធ្វើឲ្យប្រសើរឡើងនូវបទពិសោធន៍លក់រាយក្រៅបណ្តាញប៉ុណ្ណោះទេ ប៉ុន្តែថែមទាំងស្វែងយល់បន្ថែមអំពីការចូលរួមរបស់អតិថិជន និងការលក់ផលិតផលផងដែរ។ ក្រុមហ៊ុន Amazon ក៏បានបង្ហាញនូវអ្វីដែលជាហាងនាពេលអនាគតអាចមើលទៅដូចនឹងហាង Amazon Go របស់ខ្លួនដែលអនុញ្ញាតឲ្យអតិថិជនជ្រើសរើសទំនិញ និងឆ្លងកាត់ដំណើរការឆែកដោយស្វ័យប្រវត្តិ។
5. បច្ចេកវិទ្យា Smart Home
   ពិតណាស់បើនិយាយពី 5G គេអាចនឹងនឹកឃើញដល់ប្រព័ន្ធឆ្លាតវៃដែលជាសេវាកម្មក្នុងផ្ទះនោះគឺ Smart Home។ មកទាល់នឹងពេលនេះគេនៅតែមិនបានឃើញវាមានអាទិភាពខ្លាំងក្លានៅឡើយទេ ទោះបីជាមានអ្នកបច្ចេកវិទ្យាបានបង្កើតឡើងហើយក៏ដោយ ក៏សមត្ថភាពវានៅមានកម្រិតដែរ។ ហើយគេកំពុងតែសង្ឃឹមថាវាអាចនឹងកាន់តែមានអ្នកវិនិយោគ និងបន្តបង្កើតវាឲ្យបានច្រើនជាងនេះ៕