យោងតាម Bangkok Post បានឱ្យដឹងថាប្រទេសថៃបានបង្កើតកម្មវិធីមួយឈ្មោះម៉ូ ចាន់ណា (Mor Chana) ដែលជួយអាចនឹងជួយទប់ស្កាត់ការរីករាលដាលជម្ងឺ Covid-19។

កម្មវិធី Mor Chana នេះដែលបង្កើតឡើងដោយសហការចូលរួមពីសំណាក់ស្ថាប័នរដ្ឋ ស្ថាប័នឯកជន និងអ្នកស្ម័គ្រចិត្តមួយចំនួនគឺប្រើប្រាស់បច្ចេកវិទ្យា AI ក្នុងការវិភាគលើកម្រិតហានិភ័យរបស់អ្នកសង្ស័យថាបានឆ្លងជម្ងឺ Covid-19 ដែលនេះជាមធ្យោបាយជួយទប់ស្កាត់ការចម្លងជម្ងឺនេះទៅដល់អ្នកដទៃជាពិសេសនោះគឺបុគ្គលិកពេទ្យដែលមើលថែទាំអ្នកជម្ងឺ។ 

កម្មវិធីនេះប្រើប្រាស់ប្រព័ន្ធ GPS និងប្លូធូសរបស់ស្មាតហ្វូនរបស់អ្នកក្នុងការតាមដានទីតាំងដែលអ្នកប្រើប្រាស់បានទៅដែលអាចនឹងជួយចង្អុលប្រាប់ថាបុគ្គលនេះធ្លាប់មានទំនាក់ទំនងជាមួយនឹងបុគ្គលដែលបានឆ្លងជម្ងឺ Covid-19 នេះដោយប្រយោលឬក៍អត់ទេ។ រាល់ព័ត៌មានដែលកម្មវិធីនេះបានប្រមូលគឺស្ថិតក្នុងលក្ខណៈឯកជនភាពគ្មានអ្នកដឹងក្រៅពីរូបអ្នក លុះត្រាតែមានការស្នើរសុំពីរដ្ឋាភិបាលឬផ្នែកបុគ្គលិកពេទ្យឱ្យធ្វើការចែករំលែកព័ត៌មានផ្ទាល់ខ្លួននេះ។ ជាពិសេសនោះគឺកម្មវិធីនេះក៍មានមុខងារចង្អុលប្រាប់ពីតំបន់គ្រោះថ្នាក់នៃជម្ងឺ Covid-19 នេះដែលប្រាប់ពីតំបន់ណាខ្លះដែលអ្នកបានឆ្លងជម្ងឺនេះធ្លាប់បានទៅកាលពីលើកមុន។ 

នៅពេលដែលអ្នកចុះឈ្មោះចូលប្រើប្រាស់កម្មវិធីនេះគឺអ្នកត្រូវឆ្លងកាត់ការឆ្លើយសំណួរមួយចំនួនពាក់ព័ន្ធនឹងសុខភាពរបស់អ្នកដែលអាចកំណត់ថាអ្នកសង្ស័យបានឆ្លងជម្ងឺនេះឬក៍អត់ទេ។ ហើយបន្ទាប់ពីបញ្ចប់ការឆ្លើយរាល់សំណួរនោះគឺអ្នកនឹងត្រូវបានដាក់ពិន្ទុទៅលើកម្រិតហានិភ័យនៃស្ថានភាពសុខភាពរបស់អ្នកដោយសម្គាល់តាមការដាក់ជាព័ណ៌ចំណាំដូចជា៖

- ព័ណ៌បៃតង (ហានិភ័យទាបបំផុត)

- ព័ណ៌លឿង (ហានិភ័យទាប)

- ព័ណ៌ទឹកក្រូច (ហានិភ័យខ្ពស់)

- ព័ណ៌ទឹកក្រូច (ហានិភ័យខ្ពស់បំផុត)

កម្មវិធីនេះគឺអ្នកអាចធ្វើការទាញ download យកពីកម្មវិធី Playstore និង App Store តាមរយះតំណតភ្ជាប់នេះ៖ https://morchana.app.link/download

ប្រភព៖ Bangkok Post

ដោយ៖ នឿន វណ្ណៈ